దొందూ దొందే...

ఛీ..ఛీ..ఛీ.. 

1. అంబేద్కర్ పై చర్చ తర్వాత కాల్ మనీపై చర్చలో పాల్గొంటే ప్రతిపక్షానికి పోయేదేం లేదు.

2. కాల్ మనీపై ముందు చర్చించి ఆ తర్వాత అంబేద్కర్ పై చర్చిస్తే అధికారపక్షానికి వచ్చే నష్టమేం లేదు.

- ఏ ఒక్క పార్టీకి ప్రజాసమస్యలపై శ్రద్ధ లేదు. అన్ని పార్టీలూ ఆ తానుముక్కలే.
చాలా ఛండాలంగా ఉంది అసెంబ్లీ జరుగుతున్న తీరు.

- వీళ్లకు ఓటేసి గెలిపించి అసెంబ్లీకి పంపినందుకు ప్రజలు సిగ్గుతో తలవంచుకోవాలి.

కూలీలపై కాల్పులు తప్పా..?

     చిత్తూరు జిల్లా తిరుపతి సమీపంలోని శేషాచలం అడవుల్లో జరిగిన ఎన్ కౌంటర్ పై కొంతమంది ఆరోపణలు గుప్పిస్తున్నారు. కూలీలను కాల్చి చంపడం నేరమని మాట్లాడుతున్నారు. కూలీలు ఏం తప్పు చేశారని ప్రశ్నిస్తున్నారు. ఆంధ్రప్రదేశ్ ప్రభుత్వం అన్యాయంగా కూలీలను పొట్టన పెట్టుకునిందని విమర్శిస్తున్నారు.. ఇక తమిళనాడులో ఆంధ్ర ప్రజలు, ఆస్తులపై తమిళులు కక్షగట్టారు. ఆంధ్రా బస్సులను ధ్వంసం చేస్తున్నారు..

కూలీలా..? హంతకులా..?

     తమిళుల ఆగ్రహంలో అర్థం ఉండొచ్చు.. కానీ అక్కడ చనిపోయింది తమిళుల ఆత్మాభిమానాలను దశదిశలా వ్యాపింపజేసిన మహాపురుషులు కాదనే విషయాన్ని వాళ్లు గుర్తుపెట్టుకోవాలి. తమిళుల ఆత్మాభిమానాన్ని, గౌరవాన్ని మంటగలపిన కూలీలు వాళ్లు. పొట్టకూటికోసం చిప్ప చేతబట్టుకుని శేషాచలం అడవులకు వచ్చిన కూలీలు కాదు వాళ్లు. వాళ్ళంతా డబ్బుపై వ్యామోహంతో ఎలాంటి నీచానికైనా పాల్పడే మనస్తత్వమున్న వ్యక్తులు..

స్మగ్లింగ్ నేరం కాదా..?

     ఎర్రచందనం స్మగ్లింగ్ నేరమనే విషయం అందరికీ తెలిసింది.. ఎర్రచందనాన్ని దొంగచాటుగా కొట్టి తరలిస్తున్న కూలీలకు ఆ విషయం ఇంకా బాగా తెలుసు. అయినా వాళ్లంతా శేషాచలానికి వచ్చారు.. అంటే స్మగ్లింగ్ నేరమని తెలిసీ వచ్చారు.. ఇలాంటి అక్రమాలకు పాల్పడేటప్పుడు ప్రాణాలకు ప్రమాదం ఉంటుందని కూడా వారికి తెలుసు. అయినా వాళ్లు లెక్కచేయలేదు. పొట్టకూటికోసం పాకులాడే కూలీలెవరూ ఇలాంటి పనులు చేయరు.. శేషాచలం అడవుల్లో హతమైన కూలీలందరూ డబ్బుకోసం ఎలాంటి అఘాయిత్యాలకైనా పాల్పడే హంతకులే..!

     అమాయక కూలీలను అన్యాయంగా పొట్టన పెట్టుకున్నారని.. మానవ హక్కుల ఉల్లంఘన జరిగిందని కొంతమంది పెద్దలు విమర్శలు గుప్పిస్తున్నారు. మరి.. ఎర్రచందనం స్మగ్లింగ్ నేరమని తెలిసీ అడవుల్లోకీ ఈ కూలిలంతా ఎందుకొచ్చారు..? కొన్ని నెలల కిందట ఓ అటవీ అధికారిని శేషాచలం అడవుల్లోనే బండరాళ్ళతో మోది పాశవికంగా హత్య చేసినప్పుడు ఈ సోకాల్డ్ మానవ హక్కుల పరిరక్షకులు ఏమయ్యారు..? అప్పుడు అటవీ అధాకారిని మర్డర్ చేసింది కూలీల వేషంలో ఉన్న హంతకులు కాదా..?

ఏది నేరం..? ఏది న్యాయం..?

     ఇక తమిళనాడులో ఆంధ్రా ఎన్ కౌంటర్ పై అనేక విమర్శలు వస్తున్నాయి.. వారు అలా ప్రవర్తించడాన్ని తప్పుబట్టలేం.. అయితే.. తమిళనాడులో పేరొందిన స్మగ్లర్ వీరప్పన్ ఉదంతం ఇక్కడోసారి గుర్తు చేసుకోవాలి. వీరప్పన్ కోసం తమిళనాడు సర్కార్ ఎంత పెద్ద పోరాటం చేసిందో తెలుసు.. వీరప్పన్ కోసం తమిళనాడు ప్రభుత్వం ఎంత ఖర్చు చేసిందో తెలుసు. నాడు వాళ్ళ రాష్ట్రంలో సంపద కొల్లగొడుతున్న వీరప్పన్ ను హత్య చేయడంపై తమిళనాడు మొత్తం సంబరాలు చేసుకుంది. ఇప్పుడు అదే తమిళనాడుకు చెందిన కూలీలు పక్కరాష్ట్రం సంపదను దోచుకెళ్లూ చనిపోతే మాత్రం పెద్ద నేరం.. ఇదేం న్యాయం..? సంపద ఏ రాష్ట్రానికైనా సంపదే..! నేరం ఎక్కడైనా నేరమే..!

ఈ మాటలకు అర్థమేంటి..?

ఈ మాటలను ఎలా అర్థం చేసుకోవాలి..?

మారండి బాబూ....!!

బాబు మారరు..!!

రాయలసీమలోని నాలుగు జిల్లాల్లో 3 జిల్లాలకు చంద్రబాబు వరాలు ప్రకటించారు బాగానే ఉంది. మరి కడప జిల్లాను ఎందుకు అనాధగా వదిలేశారు? ఇది ప్రతిపక్షనేత జగన్ జిల్లా కాబట్టి వదిలేశారా..? కడప జిల్లా వై.ఎస్. కుటుంబానికి కంచుకోట కాబట్టి ఇక్కడేమీ పెట్టకూడదనుకుంటున్నారా..? కడపకు ఏం తక్కువ..? దేశంలోని అన్ని ప్రధాన ప్రాంతాలను కనెక్ట్ చేసే రైల్వే లైన్ ఉంది. బ్రిటీష్ కాలం నాటి ఏర్ పోర్ట్ ఉంది. అత్యాధునిక హంగులతో ఏర్పడిన యోగి వేమన యూనివర్సిటీ ఉంది. పెన్నా నది ఒడ్డునే కడప నగరం ఉండడంతో తాగునీటికి సమస్య ఉండదు.. తెలుగుదేశం పార్టీ ఫేస్ బుక్ పేజీలోని ఈ ఇమేజ్ చూసిన తర్వాత అర్థమైంది ఒక్కటే.. కడపను వాంటెడ్ గానే నిర్లక్ష్యం చేస్తున్నారని! 

     వై.ఎస్.కు, చంద్రబాబుకు తేడా ఇక్కడే కనపడుతుంది. వై.ఎస్. తాను ఎక్కడ బలహీనంగా ఉన్నారో అక్కడ బలపడేందుకు శాయశక్తులా ప్రయత్నిస్తారు.. చంద్రబాబు చిత్తూరు జిల్లావాసి అయినా నాడు కాంగ్రెస్ పార్టీ బలంగా ఉండడానికి కారణం వై.ఎస్. అనుసరించిన ఎత్తుగడలే..! అంతెందుకు.. నేడు జగన్ పార్టీ కూడా చిత్తూరులో సత్తా చాటింది..! కానీ చంద్రబాబు పార్టీ కడపలో తరాలుగా చతికిలపడుతూనే ఉంది.. ఇందుకు కారణం చంద్రబాబు కడపపై పెద్దగా దృష్టి పెట్టకపోవడమే.. పదేళ్లు ముఖ్యమంత్రిగా ఉన్నప్పుడు కడపపై ఓ చూపు చూసి ఉంటే.. వై.ఎస్. హవాకు చెక్ పెట్టి ఉండొచ్చు. కానీ చంద్రబాబు ఎప్పుడూ అలాంటి పని చేయలేదు. 

     కడప అంటే చంద్రబాబుకు ఎప్పుడూ చిన్నచూపే.. కనీసం ఇప్పుడైనా తాను మారానని చెప్పుకుంటున్న చంద్రబాబు కడపపై కాస్త దృష్టి పెడతారని ఆశించాను. కడపలో పాగా వేసేందుకు జిల్లాపై వరాల వర్షం కురిపిస్తారని ఆశించాను. వై.ఎస్. కంటే చంద్రబాబే నయం.. జిల్లాకు మేలు చేశారు అని.. ప్రజలు కొనియాడేలా పేరు తెచ్చుకుంటారని భావించాను.. ఒక్క తిరుపతికే అన్ని విద్యాసంస్థలు కేటాయించకపోతే అందులో ఒకదాన్ని కడపలో పెడితే బాగుంటుంది కదా..? కోస్తా జిల్లాలన్నిటినీ కారిడార్ పేరుతో కలిపేస్తున్నారు. సీమలోని నాలుగింటిలో మూడు చోట్ల విద్యాసంస్థలు కేటాయించారు.. అంటే ఆంధ్రప్రదేశ్ లోని 13 జిల్లాల్లో ఒక్క కడప జిల్లాయే అనాథ! 

     ఇది దారుణం.. అన్యాయం.. గర్హనీయం.. దీన్ని నేను తీవ్రంగా ఖండిస్తున్నాను..! ఈ పోస్టు చూసిన తర్వాత అర్థమైంది ఏంటంటే... ఆయన మారలేదు.. ఆయన మారనంత వరకూ కడప జిల్లా ప్రజలు తెలుగుదేశం పార్టీ పట్ల మనసు మార్చుకోరు..! ఇది వాస్తవం..!! కాస్త మేల్కోండి చంద్రబాబు గారూ..! ఎక్కడ వీక్ గా ఉన్నారో.. అక్కడ స్ట్రాంగ్ అయ్యేందుకు ట్రై చేయండి..!!

గెలుపెవరిది..?

సీమాంధ్రలో గెలుపెవరిది..?
.
.
టీడీపీదా...?
.
.
వైసీపీదా...?
.
.
ఎవరికి ఎన్ని సీట్లు వస్తాయి...?
.
.
కచ్చితంగా చెప్పిన వారికి ఓ చక్కటి బహుమతి..!

దాడులు సరికాదు!

ప్రజాస్వామ్యంలో ఎవరైనా తమ అభిప్రాయాలు చెప్పుకునే స్వేచ్ఛ ఉంది. ఎవరి ఇష్టంకోసమో మనసు చంపుకుని మాట్లాడలేరు. ప్రజాస్వామ్యంలో అది కరెక్ట్ కాదు.. ఒక ప్రాంతానికి అన్యాయం జరుగుతున్నప్పుడు వారు ఆ ప్రాంత ప్రయోజనాలకు అనుగుణంగా మాట్లాడే అవకాశం ఉంది. ఆ ప్రాంత ప్రజల అభీష్టానికి అనుగుణంగా మాట్లాడడంలో తప్పులేదు.. అంతమాత్రాన... మరొక ప్రాంతానికి అన్యాయం చేస్తున్నట్లు కాదు.. మరో ప్రాంత ప్రజల అభిప్రాయాన్ని కించపరిచినట్లు కాదు.. అలా భావించి.. దాడులు చేయడం సంస్కారం కాదు..

తెలంగాణ టు రాహుల్ వయా జగన్

తెలంగాణ టు రాహుల్ వయా జగన్..

... చదవడానికి, వినడానికి వింతగా ఉన్నా ఇది వాస్తవం.. ఎన్నో ఏళ్లుగా నాన్చుతూ వస్తున్న తెలంగాణ అంశాన్ని కాంగ్రెస్ పార్టీ ఇప్పటికిప్పుడు తేల్చేయాలనుకోవడం వెనుక ఎన్నో కారణాలు, వ్యూహాలు ఉన్నాయి. ముఖ్యంగా ఇప్పుడు రాష్ట్ర విభజన జరగడానికి ప్రధాన కారణం జగనే!
     ఆంధ్రప్రదేశ్ లో కాంగ్రెస్ పార్టీ పరిస్థితి ఎలా ఉందో అందరికీ తెలియనిది కాదు. ఇదే పరిస్థితి కొనసాగితే వచ్చే ఎన్నికల్లో నామరూపాలు లేకుండా పోతాయని ఆ పార్టీ పెద్దలు ఎప్పుడో గమనించారు. ఇన్నాళ్లూ పార్టీని కేంద్రంలో అధికారంలో ఉంచిన ఆంధ్రప్రదేశ్ లో ఇలాంటి దుస్థితిని వాళ్లు జీర్ణించుకోలేకపోతున్నారు. ఎలాగైనా మళ్లీ అధికారంలోకి రావాలంటే ఏపీని విస్మరించకూడదని నిర్ణయించుకున్నారు.. ఇందుకు ఎంచుకున్న ఓ అస్త్రమే - రాష్ట్రవిభజన!

రాష్ట్ర విభజన కాంగ్రెస్ కు ఎలా లబ్ది చూకూరుస్తుంది..?

     తెలంగాణ రాష్ట్రాన్ని ఏర్పాటు చేయడం ద్వారా ఈ ప్రాంతంలో పూర్తిస్థాయిలో పట్టు సాధించవచ్చని కాంగ్రెస్ వ్యూహం. తెలంగాణ ఏర్పాటు చేస్తే.. టీఆరెస్ ప్రభావం పెద్దగా ఉండబోదని ఆ పార్టీ పెద్దలు అంచనా వేస్తున్నారు. అందుకే ఆ పార్టీని పక్కనపెట్టి క్రెడిట్ మొత్తం తామే కొట్టేయాలనే వ్యూహంతో ఉన్నారు. నిజానికి తెలంగాణ ఏర్పాటు చేస్తే.. కాంగ్రెస్ ఇక్కడ భారీగా లబ్ది పొందడం ఖాయం. తెలంగాణ రాష్ట్రంలో అధికారంతో పాటు, కేంద్రంలో యూపీఏ-3 అధికారంలోకి రావడానికి దోహదపడేలా ఈ ప్రాంతంలో మెజారిటీ ఎంపీ సీట్లను గెలుచుకునే అవకాశం ఉంటుంది..

మరి సీమాంధ్రలో..!!
     తెలంగాణ ఏర్పాటు చేస్తే సీమాంధ్రలో కాంగ్రెస్ పార్టీకి నామరూపాలు లేకుండా పోవడం ఖాయం. ఈ విషయం ఆ పార్టీ పెద్దలకు తెలియనిదేమీ కాదు.. అయినా ఆ పార్టీ లెక్కచేయట్లేదు. ఇందుకు ప్రధాన కారణం జగన్.! అవును.. తెలంగాణ ఏర్పాటు చేయడం ద్వారా సీమాంధ్రలో సమీకరణాలు పూర్తిగా మారిపోతాయి. అక్కడ టీడీపీ, వైసీపీల మధ్యే ప్రధాన పోరు ఉంటుంది. కాంగ్రెస్ ఓటు బ్యాంకు సాధారణంగా జగన్ పార్టీవైపే వెళ్తుంది. సీమాంధ్రలో జగన్ పార్టీ మెజారిటీ సీట్లు సాధిస్తుందని కాంగ్రెస్ కు తెలుసు. జగన్ పార్టీ సీట్లు సాధిస్తే కాంగ్రెస్ కు ఏంటి లాభం అనే సందేహం రావచ్చు.. కానీ జగన్ పార్టీకి సీట్లు వస్తే.. అవి కాంగ్రెస్ కు వచ్చినట్లే..! ఎందుకంటే వైసీపీ గౌరవాధ్యక్షురాలు విజయమ్మ ఇప్పటికే యూపీఏకే మద్దతిస్తామని ప్రకటించారు ! అందుకే కాంగ్రెస్ పార్టీ కూడా ధీమాగా రాష్ట్ర విభజనకు ముందడుగు వేస్తోంది. సీమాంధ్రలో కాంగ్రెస్ పార్టీ దెబ్బ తిన్నా.. జగన్ పార్టీ బలపడితే తాము బలపడినట్లేనని కాంగ్రెస్ పార్టీ భావిస్తోంది. ఢిల్లీలో రాష్ట్ర విభజన సంకేతాలు రాగానే వైసీపీ ఎమ్మెల్యేలంతా రాజీనామాలు చేయడం వెనుక కూడా వ్యూహమిదే..! తెలంగాణలో ఎలాగూ పార్టీ పని అయిపోయిందని భావించిన వైసీపీ నేతలు.. కనీసం సీమాంధ్రపై పూర్తి పట్టు సాధించాలని నిర్ణయించుకున్నారు. అందుకే రాజీనామాల అస్త్రం సంధించారు. పూర్తిస్థాయి సమైక్యవాదులుగా మారిపోయారు. కాంగ్రెస్ పెద్దల సూచనల మేరకే వాళ్లు ఇలా చేశారనే ఊహాగానాలు కూడా వినిపిస్తున్నాయి.
     ప్రస్తుత పరిస్థితుల్లో రాష్ట్ర కాంగ్రెస్ పెద్దలు పార్టీని బతికిస్తారనే నమ్మకం అధిష్టానానికి లేదు. అందుకే వారు జగన్ నే నమ్ముకున్నారు. జగన్ ఎప్పటికైనా తమకే మద్దతిస్తారని.. వీలైతే పార్టీని విలీనం చేస్తారని కాంగ్రెస్ పార్టీ గట్టిగా నమ్ముతోంది. అందుకే సీమాంధ్ర కాంగ్రెస్ నేతల నుంచి ఎన్ని ఒత్తిడులు ఎదురైనా.. అధిష్టానం లెక్కచేయట్లేదు. రాష్ట్ర విభజన దిశగానే ముందడుగు వేస్తోంది. పైగా ప్రస్తుత పరిస్థితుల్లో రాష్ట్ర పెద్దలు పార్టీని గట్టెక్కిస్తారనే నమ్మకం సోనియాకు లేదు. అందుకే జగన్ ను నమ్ముకోవడమే మేలనే నిర్ణయానికొచ్చింది కాంగ్రెస్. ప్రస్తుత పరిణామాలను చూస్తే.. విభజన జరిగిన తక్షణమే జగన్ జైలు నుంచి బయటపడే సూచనలు కనిపిస్తున్నాయి..

జగన్ స్ట్రాంగ్ గా ఉంటే..?
     కాంగ్రెస్ వైఖరిపై జగన్ గట్టిగా ఉంటే రాష్ట్ర విభజన అంత సులువు కాదు. కానీ జగన్ అలా ఉండలేని పరిస్థితి. కేసుల నుంచి బయటపడాలంటే కాంగ్రెస్ పార్టీయే జగన్ కు దిక్కు.! ఒక విధంగా ఇక్కడ కూడా క్విడ్ ప్రో కో అనే చెప్పొచ్చు.. జగన్ మద్దతు ఇవ్వడం ద్వారా కాంగ్రెస్ పార్టీ కేంద్రంలో మళ్లీ అధికారంలోకి రావడం ఈజీ అవుతుంది. రాహుల్ గాంధీ ప్రధాని కోరిక నెరవేరుతుంది. అదే సమయంలో కాంగ్రెస్ కు మద్దతివ్వడం ద్వారా జగన్ తన కేసుల నుంచి బయటపడేందుకు మార్గం సుగమమవుతుంది.

వీళ్లు సీతయ్యలు..! మారరు..! మాట వినరు..!!!

ఫిబ్రవరి 21, 2013 గురువారం సాయంత్రం 7 గంటల సమయం.. దిల్ సుఖ్ నగర్ ప్రాంతం ఒక్కసారిగా బాంబుపేలుళ్లతో దద్దరిల్లింది. ప్రాణనష్టం.., క్షతగాత్రులు.., పోలీసులు.. మీడియా హడావుడి.. మనకు కొత్తేమీ కాదు..!

     వాస్తవానికి పేలుళ్లు ఎలా జరిగాయి..? ఎవరు చేశారు..? లాంటి ప్రశ్నలకు సమాధానం చెప్పడం కష్టం.. కానీ ఎక్కడ పేలుళ్లు జరిగినా దానికి ఉగ్రవాదులే కారణమనే అభిప్రాయం కలగడం మామూలైపోయింది. ఇక మన పాలకులు కూడా విచారణ జరుపుతున్నాం.. నివేదిక వచ్చాకే చెబుతాం.. అంటూ మాటల గారడీ చేస్తుంటారు. అయితే.. దిల్ సుఖ్ నగర్ పేలుళ్లు జరగడానికి ముందే కేంద్ర ప్రభుత్వం నుంచి రాష్ట్రాలకు హెచ్చరికలు వచ్చాయని తెలుస్తోంది. కేంద్ర హోంమంత్రి  షిండే కూడా తాము ముందే హెచ్చరించాని చెప్పారు. మరి.. రాష్ట్ర ప్రభుత్వాలు ఎందుకు జాగ్రత్తలు తీసుకోలేదు..? కనీసం ఇలా దాడులు జరిగే ప్రమాదముందని ఒక్క ప్రకటన కానీ.. స్టేట్ మెంట్ కానీ ఎందుకు ఇవ్వలేదు..? కేంద్రం నుంచి వచ్చిన హెచ్చరికలను రాష్ట్ర ప్రభుత్వం మామూలు వార్నింగ్ లాగే తీసుకుని పెడచెవిన పెట్టిందని అర్థమవుతోంది. అందుకే దుర్ఘటన జరిగింది. కొంచెం మేల్కొని జాగ్రత్తలు తీసుకుని ఉంటే ఈ చర్య జరిగేది కాదేమో..!!

      పేలుళ్లు జరిగాయి సరే.. ఇప్పుడేం చేయాలి? యధావిథిగా కేంద్రం, రాష్ట్రం అప్రమత్తమయ్యాయి. కేంద్రం తన బలగాలను హుటాహుటిన హైదరాబాద్ పంపించింది. రాష్ట్ర ప్రభుత్వ యంత్రాంగం కూడా తనదైన శైలిలో విచారణ మొదలు పెట్టింది.. కేసులు బుక్ చేసింది.. ముఖ్యమంత్రి కూడా పేలుళ్లు జరిగిన 15 నిమిషాల వ్యవధిలోనే ఘటనాస్థలానికి చేరుకుని పరిస్థితిని సమీక్షించారు. అయితే.. ఇక్కడే ఆనవాళ్లు మిస్ అయ్యాయి.. హుటాహుటిన ముఖ్యమంత్రితో పాటు మిగిలిన నేతలు అక్కడి చేరుకోవడంతో అక్కడ పరిస్థితి ఒక్కసారిగా మారిపోయింది.. మృతదేహాలు, క్షతగాత్రులను తరలించే సమయంలో కూడా అక్కడ కీలకమైన ఆధారాలు మాయమైనట్లు తెలుస్తోంది. వాస్తవానికి అలా జరగడం సహజం.. మృతదేహాలు, క్షతగాత్రులను తీసుకెళ్లేటప్పుడు ఆధారాలు మాయమవుతాయన్న ఆలోచన సహజంగా కలగదు.. కనీసం ముఖ్యమంత్రి లాంటి నేతలు వెళ్లినప్పుడైనా పోలీసులు కొన్ని జాగ్రత్తలు తీసుకుని ఉంటే బాగుండేది..

     ఇక మీడియా సంగతి చెప్పనక్కర్లేదు.. ఎక్స్ క్లూజివ్ మోజులో కొట్టుకుపోతున్న మన మీడియా చానళ్లకు ఏది ప్రసారం చేయాలో, ఏది ప్రసారం చేయకూడదో కూడా అర్థం కావట్లేదు.. రక్తపు ముద్దలు కనిపిస్తే చాలు అన్న చందంగా రిపోర్టర్లు పోటీ పడ్డారు. ఎక్కడ ఏ చిన్న రక్తపుబొట్టు కనిపించినా దాన్ని జూమ్ ఇన్ చేసి స్టోరీలు అల్లేశారు. ఇంకొంతమంది రిపోర్టర్లయితే క్షతగాత్రుల మూతిమీద మైకు పెట్టి ఎలా జరిగింది.. మీరిక్కడ ఎందుకున్నారు.. మీ పక్కన ఎవరున్నారు.. ఆ టైమ్ లో మీరేం చేస్తున్నారు.. లాంటి ప్రశ్నల వర్షం కురిపించారు.. అసలే షాక్ లో ఉన్న ఆ బాధితుడు ఈ ప్రశ్నలన్నింటికి ఎక్కడ సమాధానం చెప్పగలరు? అంతటి కనీసజ్ఞానం కూడా రిపోర్టర్లు బాధితుల నుంచి చీవాట్లు, తిట్లు కూడా ఎదుర్కొన్నారు. అయినా వీళ్లు మారరు.. మాట వినరు.. ఎందుకంటే వీళ్లు సీతయ్యలు!

     వరల్డ్ ట్రేడ్ టవర్స్ మీద దాడి జరిగినప్పుడు 2వేల మందికి పైగా చనిపోయారు.. కానీ ఆ ఘటన జరిగినప్పుడు కానీ, ఆ తర్వాత కానీ మనకు ఒక్క నెత్తుటి విజువల్ కూడా టీవీలో కనిపించలేదు.. కానీ దిల్ సుఖ్ నగర్ పేలుడు జరిగిన వెంటనే మన టీవీల నుంచి నెత్తుటి విజువల్సే..! ఎవరు ఎంత ఎక్కువ నెత్తురు చూపిస్తే.. వారికంత రేటింగ్స్ వస్తాయి అన్నట్లు టీవీ చానల్స్ రెచ్చిపోయాయి.. అసలే నెత్తుటి విజువల్స్.. ఆ పైన మధ్యలో EXCLUSIVE అనే పెద్ద అక్షరాలతో హడావుడి చేశారు. అసలు ఏది ఎక్స్ క్లూజివ్..? ఏది ఎక్స్ క్లూజివ్ కాదు..? అనే కనీస జ్ఞానాన్ని కూడా టీవీ చానల్స్ మరిచిపోయినట్లున్నాయి. ఇలాంటి ఘటనలు జరిగినప్పుడు మీడియా బాధ్యత చాలా ఉంటుంది. మీడియా ద్వారా వార్త వేగంగా వ్యాప్తి చెందుతుంది. అలాంటి సమయంలో మీడియా ఎంతో సంయమనంతో వ్యవహరించాలి. కానీ మన వాళ్లకు అవేవీ పట్టట్లేదు.. దొరికిందే చాలు అన్నట్లు అల్లుకుపోతున్నారు..

     నేర వార్తలు ప్రసారం చేయడం వల్ల ఇంతో కొంతో నేరు సంస్కృతి పెరిగే ప్రమాదముందని భావంచి ఇప్పటికే ప్రభుత్వం కొన్ని గైడ్ లైన్స్ రూపొందించింది. వాటిని చాలా చానల్స్ అమలు చేస్తున్నాయి. ఇటీవలికాలంలో చాలా వరకూ నేరవార్తలకు ప్రాధాన్యం తగ్గించి ప్రసారం చేస్తున్నాయి. మరి ఇలాంటి పేలుళ్లు జరిగినప్పుడు మీడియా ఇంకెంత బాధ్యతతో వ్యవహరించాలి..? రక్తం చూపించకుండా వార్తను ప్రసారం చేయలేవా..? అసలు ఎందుకు అలాంటి విజువల్స్ చూపించాలి..? ఎందుకు ప్రేక్షకులను భయపెట్టాలి..? ఎంత భయపెడితే అంత ఎక్కువగా రేటింగ్స్ వస్తాయనుకుంటున్నారేమో..? ఇంకో ముఖ్య విషయం ఏంటంటే.. ఘటనాస్థలంలో ఉన్న రిపోర్టర్లు చేసే హడావుడి చేసి చాలా మంది విసిగిపోతున్నారు. విషయం ఏమీ లేకపోయినా.. ఏదో కల్పించుకుని చెప్పేస్తున్నారు.. చిన్నపాటి కాగితం కనిపించినా.. అది విద్రోహుల చర్యే అంటూ నిర్ధారించేస్తున్నారు.. ఒక్కసారిగా మీడియా ప్రతినిధులందరూ వెళ్లి లైవ్ లు, పీటూసీలు అంటూ హడావుడి చేస్తుండడంతో అక్కడి ఆధారాలు కూడా మిస్సవుతున్నాయి. విచారణకు ఆధారాలు చాలా కీలకం.. అలాంటివి మిస్ కాకుండా చూడాల్సిన బాధ్యత అందరి పైనా ఉంటుంది.. సీతయ్య వేషం నుంచి బయటపడినప్పుడే ఇది సాధ్యం..!!

సోనియా, చంద్రబాబు క్విడ్ ప్రో కో...!!

     రాజ్యసభలో ఎఫ్ డీ ఐ లపై ఓటింగ్ సందర్భంగా తెలుగుదేశం పార్టీకి చెందిన ముగ్గురు ఎంపీలు గైర్వాజరు కావడం సంచలనం కలిగిస్తోంది. కానీ తమ ఓటింగ్ నిర్ణయాత్మకం కానందున గైర్హాజరైనా పెద్ద సమస్య లేదని ఆ పార్టీ ఎంపీలు చెబుతున్నారు.. వారన్నట్టు వారి ఓటుతో వచ్చే నష్టమేమీ లేదనుకుందాం... కానీ ఎఫ్ డీ ఐ లకు తాము పూర్తిగా వ్యతిరేకమని చెప్పుకొచ్చిన తెలుగుదేశం పార్టీ.. పెద్దఎత్తున ర్యాలీలు, ధర్నాలు కూడా చేపట్టింది. విపక్షాలన్నీ ఉమ్మడిగా చేసిన భారత్ బంద్ లో కూడా ఆ పార్టీ శ్రేణులు ఉత్సాహంగా పాల్గొన్నాయి.. అంతెందుకు? ఎఫ్ డి ఐ లపై జరిగిన చర్చలో కూడా ఆ పార్టీ నేతలు గొంతు చించుకున్నారు.. మరి ఎందుకు ఇలాంటి పని చేశారు?


మరి ఎందుకు గైర్హాజరు?
శుక్రవారం వరకూ విదేశీ ప్రత్యక్ష పెట్టుబడులకు వ్యతిరేకమంటూ ఊదరగొట్టిన ఆ పార్టీ నేతలు ఓటింగ్ సమయంలో గైర్హాజరు కావడం ఆ పార్టీ శ్రేణులను నిశ్చేష్ఠులను చేసింది. ఒకరు గైరాహాజరైతే ఏదో కారణం ఉండొచ్చులే అనుకోవచ్చు. కానీ కీలకసమయంలో ఒకేసారి ముగ్గురు డుమ్మా కొట్టడం ఆషామాషీ విషయం కాదు. ఇప్పుడు అందరి అనుమానం ఏంటంటే.. చంద్రబాబుకు తెలిసే వీళ్లు గైర్హాజరయ్యారా అని..!! ఎందుకంటే.. పార్టీ మొదటి నుంచి తీవ్రంగా వ్యతిరేకిస్తూ వస్తున్న అంశంపై చర్చ జరుగుతున్నపుడు అంత అలసత్వం ప్రదర్శించారంటే ఎవరికీ నమ్మబుద్ధి కాదు..!! పైగా.. చంద్రబాబుకు అత్యంత నమ్మకస్తులుగా ఉన్న సుజనా చౌదరి, దేవేందర్ గౌడ్ లాంటి వాళ్ళు ఇంత పని చేశారంటే ఎవ్వరూ నమ్మరు..

చంద్రబాబుకు తెలిసే చేశారా..?
డాక్టర్ అపాయింట్ మెంట్ ఉండడం వల్ల చంద్రబాబుకు చెప్పే సభకు వెళ్లలేదని దేవేందర్ గౌడ్ చెప్తున్నారు. తలనొప్పిగా ఉండడం వల్ల ట్యాబ్లెట్ తెచ్చుకోవడానికి వెళ్లి వచ్చేసరికి సమయం మించిపోయిందని సుజనాచౌదరి  చెప్తున్నారు. వ్యక్తిగత కారణాల వల్లే వెళ్లలేకపోయానని గుండు సుధారాణి చెప్పారు. వీళ్లు చెప్పిన కారణాలు చూస్తే.. స్కూల్ కు ఎగ్గొట్టిన పిల్లాడు చెబుతున్న కారణాలలాగా అనిపిస్తాయి. అంతేకాని లక్షలాది మందికి ప్రాతినిధ్యం వహిస్తున్న, బాధ్యత గల ప్రజాప్రతినిధిగా చెప్తున్న కారణాలుగా అనిపించవు. తమ ఓటు నిర్ణయాత్మకం కానందువల్ల గైర్హాజరైనా పెద్ద నష్టమేమీలేదని దేవేందర్ గౌడ్ సమర్థించుకుంటున్నారు. 'మీ ఓటు నిర్ణయాత్మకం కాకపోవచ్చు.. కానీ మీ పార్టీకి ఒక విధానం ఉంది. ఆ విధానాన్ని మీరంతా గౌరవించాలికదా..!! అంతసేపూ సభలోనే ఉన్న మీరు ఓటింగ్ సమయంలో మాత్రమే బయటకు వెళ్లిపోవడంపై ఎలా అర్థం చేసుకోవాలి?'.

ఎంపీల వివరణలన్నీ విన్న తర్వాత సామాన్యుడికి కూడా ఓ విషయం స్పష్ఠంగా అర్థమవుతుంది.. దీని వెనుక ఏదో ఉందని..!! అది చంద్రబాబుకు తెలియకుండా జరిగిందనుకుంటే పొరపాటే..!! అత్యంత అనుంగులుగా పేరొందిన ఈ ఎంపీలు బాబుకు చెప్పకుండా ఏ పనీ చేయరు..!! అందుకే ఇప్పుడు బాబును అనుమానించాల్సి వస్తోంది..

చంద్రబాబుకు ఏంటి లాభం?
ప్రస్తుతం రాష్ట్రంలో పరిస్థితులు ఎవరికీ తెలియనివి కావు.. కాంగ్రెస్, తెలుగుదేశం పరిస్థితులు అంతంతమాత్రంగానే కనిపిస్తున్నాయి. వై.ఎస్.ఆర్. కాంగ్రెస్, టీఆర్ఎస్ లు ఈ రెండు పార్టీల నేతలకు వలవేసి లాగేస్తున్నాయి. పైగా జగన్ కు సానుభూతి, కేసీఆర్ కు ఉద్యమం బలమైన ఆయుధాలుగా ఉన్నాయి. వీరిద్దరికీ చెక్ చెప్పేందుకు కాంగ్రెస్, తెలుగుదేశం పార్టీలు బహిరంగంగా కాకపోయినా అంతర్గతంగా సహకరించుకోవాల్సిన పరిస్థితులు ఏర్పడ్డాయి. అందులో భాగంగానే టీడీపీ ఎంపీల గైర్హాజరయ్యారని అర్థం చేసుకోవచ్చు. డబ్బుకోసం తమ ఎంపీలను చంద్రబాబు ఓటింగ్ కు దూరంగా ఉంచారని అనుకోలేం..!! అంత నీచమైన స్థితికి చంద్రబాబు దిగజారారని ఊహించలేం..!! కానీ భవిష్యత్తులో ఉత్పన్నమయ్యే పరిస్థితులను దృష్టిలో ఉంచుకుని ఇప్పుడు కాంగ్రెస్ కు సహకరించారనుకోవచ్చు.! క్విడ్ ప్రో కో సూత్రాన్ని గుర్తుకు తెచ్చుకుని ఉండొచ్చు..! 2014లో తెలుగుదేశం పార్టీకి కాంగ్రెస్ మద్దతివ్వచ్చేమో..!! ఏమో చెప్పలేం...!! రాజకీయాల్లో శాశ్వత మిత్రులు, శాశ్వత శతృవులు ఉండరు కదా..!! ఏదైనా సాధ్యమే...!!

బలహీనతను జయిస్తేనే ఎయిడ్స్ పై విజయం

     ఏటా డిసెంబర్ 1న ప్రపంచ ఎయిడ్స్ దినాన్ని జరుపుకోవడం 1988లో ప్రారంభమైంది. హెచ్ఐవీని నిర్మూలించాలనే సదుద్దేశంతో ప్రపంచవ్యాప్తంగా చేపట్టిన గొప్ప కార్యక్రమం ఇది. ప్రపంచవ్యాప్తంగా సుమారు 700 కోట్ల జనభా ఉండగా అందులో 110 కోట్ల మంది హెచ్ఐవీతో బాధపడుతున్నట్లు సర్వేలు చెబుతున్నాయి. 1981 నుంచి 2007 వరకూ సుమారు రెండున్నరకోట్ల మంది ఈ వ్యాధిబారిన పడి చనిపోయారు. వైద్యరంగంలో అత్యాధునిక సదుపాయాలు, శాస్త్రవిజ్ఞానం అందుబాటులోకి వచ్చింది. ప్రపంచ దేశాలన్నీ హెచ్ఐవీ, ఎయిడ్స్ కు సంబంధించి ఎన్నో చట్టాలు చేశాయి. అయినా ఈ మహమ్మారి మాత్రం అంతకంతకూ విస్తరిస్తోంది తప్ప ఆగడం లేదు. ఇందుకు ప్రధాన కారణం అవగాహన లోపమే! ఈ వ్యాధి గురించి అందరికీ అవగాహన కల్పించాలనే ఉద్దేశంతోనే ఏటా డిసెంబర్ ఒకటిన ప్రపంచ ఎయిడ్స్ దినాన్ని జరుపుకుంటున్నాం.

అవగాహన ఎప్పుడు కలుగుతుంది?
     రెండున్నర దశాబ్దాలుగా ఎయిడ్స్ పై ప్రపంచవ్యాప్తంగా కోట్లాది రూపాయల ధనం వెచ్చించారు. ఇంకా వెచ్చిస్తూనే ఉన్నారు. డిసెంబర్ ఒకటినాడు కొంతమంది సెలబ్రిటీలతో రెడ్ రిబ్బన్ కట్టుకుని వీధుల్లో ర్యాలీలు, సభలు పెడితే ప్రజల్లో అవగాహన వస్తుందా..? ఈ ర్యాలీల్లో పాల్గొనేవారు, సభలకు వస్తున్నవారిలో ఎక్కువ మంది సెలబ్రిటీలను చూడటానికి తప్ప ఎయిడ్స్ గురించి తెలుసుకోవడానికి రావట్లేదు. అలాంటప్పుడు ఈరోజు ఉద్దేశం నెరవేరే అవకాశం ఎప్పుడూ ఉండదు. ర్యాలీలు, సభలు పెడుతున్న వ్యక్తులు, సంస్థలు కూడా ఎయిడ్స్ నిర్మూలన పేరుతో విరాళాలు సేకరించడానికే ఎక్కువ ప్రాధాన్యమిస్తున్నారనే ఆరోపణలు వస్తున్నాయి. వాస్తవానికి తమ శరీరంలో హెచ్ఐవీ ఉందన్న సంగతి 21శాతం మందికి తెలియడం లేదంటే పరిస్థితి ఎంత దారుణంగా ఉందో అర్థం చేసుకోవచ్చు.  విచ్చలవిడి శృంగారం వల్లే ఎయిడ్స్ వస్తుందని చాలా మందికి తెలుసు. అలాంటి శృంగారానికి అలవాటుపడిన వారు ఏదో ఒకరోజు ఆ బలహీనత నుంచి బయటపడి పరీక్షలు చేయించుకుంటేకానీ తమ ముందున్న ముప్పు అర్థం కాదు. ఎంత త్వరగా ఈ బలహీనత నుంచి బయటపడతారో ఎయిడ్స్ మనకు అంత త్వరగా దూరమవుతుంది. " ఎయిడ్స్ రహితతరం కోసం కలసి పనిచేద్దాం"(Working Together for AIDS free Generation) అనే నినాదంతో ఈ ఏడాది ఎయిడ్స్ డే జరుపుకున్నాం. లక్ష్యం బాగానే ఉంది... కానీ దాన్ని అందుకోవడం ఎలా..?

ఇంటి నుంచే అవగాహన
     ఎయిడ్స్ పై అవగాహన ఇంటినుంచే ప్రారంభం కావాలి. భారతదేశంలో సెక్స్ గురించి బహిరంగంగా మాట్లాడడాన్ని  నేరంగా చూస్తారు. అందుకే తల్లిదండ్రులు, ఉపాధ్యాయులు అసలు ఆ అంశం జోలికే వెళ్లరు. ఒకవేళ ఉత్సాహం కొద్దీ తెలుసుకోవాలనే తపనతో పిల్లలు సెక్స్ కు సంబంధించిన ప్రశ్నలు వేసినా.. పేరెంట్స్, టీచర్స్ వాళ్ల నోళ్లు మూసేస్తున్నారు. దీంతో.. అదేంటో తెలుసుకోవాలనే తపనతో కొంతమంది పెడదోవ పడుతుండగా.. బలహీనతనలు జయించలేక మరింతమంది హెచ్ఐవీని కొనితెచ్చుకుంటున్నారు. అగ్రదేశాల్లో అక్షరాస్యత ఎక్కువగా ఉన్నందువల్ల ఎయిడ్స్ మీద అవగాహన త్వరగా కలుగుతోంది. పైగా ఆ దేశాల్లో సెక్స్ లాంటి అంశాలపై ఓపెన్ గా మాట్లాడుకుంటారు. అయితే అక్షరాస్యతలోనూ, అభివృద్ధిలోనూ వెనుకబడిన భారత్, ఆఫ్రికా ఖండంలోని కొన్ని దేశాలు హెచ్ఐవీ వ్యాధి వ్యాప్తిలో అగ్రస్థానంలో ఉంటున్నాయి.

బలహీనతలను జయించడమే మార్గం!
     ఎయిడ్స్ కు మందులేదని, నివారణ ఒక్కటే మార్గమని మనకు తెలుసు! మందులేని జబ్బు మన దగ్గరికి రాకుండా ఉండాలంటే ముందు మనం మన బలహీనతలను జయించాలి. ముఖ్యంగా సెక్స్ అనే వీక్ నెస్ ను తరిమికొట్టాలి. సురక్షితంకాని సెక్స్ వల్లే హెచ్ఐవీ అధికంగా వ్యాప్తి  చెందుతోందన్నది వాస్తవం. ఈ విషయం తెలిసి కూడా ఎంతోమంది జాగ్రత్తలు తీసుకోవడం లేదు. అంటే వారికి అది బలహీనత! దీని నుంచి బయటపడకుండా వ్యాధి సోకిన తర్వాత బాధపడితో లాభం ఏముంటుంది?. అందుకే వ్యాధి వచ్చినవారిని దగ్గరకు చేర్చి సపర్యలు చేయడమే కాకుండా.. అసలు వ్యాధిబారిన పడకుండా ఉండేలా హెచ్చరించాలి.

పేదలే సమిధలు
     ప్రపంచవ్యాప్తంగా ఎయిడ్స్ విస్తరిస్తున్న క్రమాన్ని పరిశీలిస్తే.. ఎక్కువగా పేదలే దీనికి బలవుతున్నారు. భారత్, ఆఫ్రికాలోని కొన్ని దేశాల్లో పొట్టకూటికోసం వ్యభిచారకూపంలోకి వెళ్లినవారిలోనే హెచ్ఐవీ ఎక్కువగా కనిపిస్తోంది. సరైన పోషకాహారం లేకపోవడంతో వారిలోని రోగనిరోధక శక్తి చాలా వేగంగా క్షీణిస్తోంది. దీంతో వారు త్వరగా ప్రాణాలు కోల్పోతున్నారు. ఇలాంటి శృంగారం వల్ల ఎయిడ్స్ వస్తుందని వారికి తెలుసు. కానీ ఆకలి వారి చేత ఆ పని చేయిస్తోంది.! ఆపూట కడుపు నింపుకోవాలంటే ఒళ్లు అమ్ముకోవాల్సిన దుస్థితిలో ఉన్న ఎవరైనా రేపటి గురించి ఆలోచించరు. అందుకే ఆ మహమ్మారిని వారు జయించలేకపోతున్నారు. ప్రపంచవ్యాప్తంగా రోజూ 15వందల మంది శిశువులు ఎయిడ్స్ తోనే జన్మిస్తున్నారంటే పరిస్థితి తీవ్రతను అర్థం చేసుకోవచ్చు. వారి తల్లిదండ్రులు చేసిన తప్పుకు వారు బలవుతున్నారు. ఎయిడ్స్ కు మందు కనిపెట్టేందుకు ప్రపంచవ్యాప్తంగా అనేక దేశాలు కోట్లాది రూపాయలు ఖర్చు చేస్తున్నాయి. వాటిని కొనసాగిస్తూనే.. పొట్టకూటికోసం వ్యభిచారాన్ని ఎంచుకున్నవారికి కాస్త ఉపాధి కల్పిస్తే ఎయిడ్స్ ను కొంతమేర అరికట్టగలిగే అవకాశం ఉంది.
   

జగన్ గూటికి కేవీపీ!?

     వై.ఎస్.కు జీవితకాలం తోడునీడగా ఉన్న కేవీపీ రామచంద్రరావు.. ఆయన కుమారుడు జగన్ కు కూడా అండగా నిలవాలని నిర్ణయించుకున్నట్లు సమాచారం.. ఇప్పటికే.. ఆయన జగన్ పార్టీకి అవసరమైనప్పుడల్లా సలహాలు, సూచనలు ఇస్తున్నట్లు వై.ఎస్.ఆర్.కాంగ్రెస్ పార్టీ ఆంతరంగకుల మాట!

గాంధీభవన్లో యూత్ కాంగ్రెస్ అధ్యక్షుడి పదవీస్వీకారం సందర్భంగా జరిగిన సమావేశంలో.. కేవీపీ వ్యాఖ్యలు సంచలనం సృష్టించాయి. గాంధీభవన్లో వై.ఎస్.ఫోటో లేకపోవడం ఆయన అభిమానులందరినీ కలచివేస్తోందని ఆయన ఆవేదన వ్యక్తం చేశారు. వై.ఎస్.పై కాంగ్రెస్ నేతలు గతంలో చాలాసార్లు విమర్శలు చేసినా.. ఏనాడూ ఆయన ఆత్మబంధువు కేవీపీ నోరు తెరవలేదు.! కానీ వై.ఎస్.ను విమర్శిస్తూ.. పార్టీపై అతని ముద్రను చెరిపేయాలనుకుంటున్న కాంగ్రెస్ కు వీడ్కోలు పలకడానికి ఇదే సరైన సమయమని కేవీపీ భావిస్తున్నట్లు తెలిసింది. అందుకే బహిరంగంగానే.. సాక్షాత్తూ సీఎం సాక్షిగా వై.ఎస్.ఫోటోపై కేవీపీ నిలదీశారు..

కాంగ్రెస్ పార్టీలో కూడా కేవీపీపై ఎంతో మంది నాయకులు పలు అనుమానాలు వ్యక్తంచేశారు. మధుయాస్కీ లాంటి నేతలు.. కేవీపీని జగన్ కోవర్టుగా బహిరంగంగా ప్రకటించారు. గాంధీభవన్లో కేవీపీ వ్యాఖ్యలతో.. ఆ వ్యాఖ్యలు నిజమే కాబోలు అని ఇప్పుడు గుసగుసలాడుకుంటున్నారు.. కానీ జగన్ కు సన్నిహితంగా ఉన్న కొందరు నేతలు మాత్రం.. కేవీపీ నిత్యం వై.ఎస్.కుటుంబానికి అండగానే ఉంటున్నారని.. అవసరమైనప్పుడల్లా జగన్్కు సూచనలు, సలహాలు ఇస్తున్నారని చెబుతున్నారు. మరికొందరేమో.. జగన్ ను పార్టీ పెట్టేలా ప్రోత్సహించిందే కేవీపీ అని.. ఆయన సూచన మేరకే యువనేత కాంగ్రెస్ పార్టీని వీడారని చెప్తున్నారు..

ఏదేమైనా... కాంగ్రెస్ పార్టీలో ఇప్పుడు మంత్రులుగా, ఎమ్మెల్యేలుగా ఉన్న పలువురు నేతలు 2013 మధ్యనాటికి జగన్ పార్టీ తీర్థం పుచ్చుకోవడం ఖాయంగా కనిపిస్తోంది. అయితే.. ఎవరినిపడితే వారిని పార్టీలోకి స్వాగతించేందుకు కూడా జగన్ సిద్ధంగా లేనట్లు ఆయన సన్నిహితుల సమాచారం.. ప్రధానంగా వై.ఎస్.ను, తనను బాగా విమర్శించినవారినే మొదట పార్టీలో చేర్చుకోవాలని జగన్ భావిస్తున్నారట! తిట్టిన నోళ్ల నుంచే.. పొగిడించుకోవాలనేది ఇక్కడ యువనేత వ్యూహంగా కనిపిస్తోంది..!!

కాంగ్రెస్ లో కలిసిపోనున్న జగన్ పార్టీ..!?

    2014 ఎన్నికల్లోగా కాంగ్రెస్ పార్టీలో వై.ఎస్.ఆర్.కాంగ్రెస్ పార్టీని జగన్ విలీనం చేయబోతున్నారని టైమ్స్ ఆఫ్ ఇండియా ఈరోజు ప్రధాన కథనాన్ని ప్రచురించింది. విశ్వసనీయ వర్గాలు ఈ మేరకు సమాచారం అందించినట్లు అందులో పేర్కొన్నారు.

     2010 నవంబర్ 18వ తేదీన జగన్ ఢిల్లీకి వెళ్లారు. ఆ పర్యటనలో కాంగ్రెస్ అధిష్టానానికి, జగన్ కు మధ్య ఈ మేరకు ఒప్పందం కుదిరిందని ఆ కథనం పేర్కొంది. ఇద్దరు ఎంపీలు జగన్ కు, కాంగ్రెస్ అధిష్టానానికి మధ్య సంధానకర్తలుగా వ్యవహరించారని తెలిపింది. గాలి జనార్ధన్ రెడ్డి లాంటి పరిస్థితి తనకు రాకుండా ఉండేందుకు జగన్ ఈ ప్రతిపాదన చేశారని.. ఇందుకు కాంగ్రెస్ హైకమాండ్ కూడా అంగీకరించిందని పేర్కొంది.. దీనికి సంబంధించి కాంగ్రెస్ ఇంకా అధికారికంగా ఎలాంటి ప్రకటనా చేయకపోయినా... ప్రాథమికంగా ఓకే చెప్పినట్లు సమాచారం.

     సీబీఐ కేసులో తనను అరెస్టు చేయకూడదని.. కేసు విచారణ వేగాన్ని తగ్గించాలని జగన్ షరతు పెట్టినట్లు సమాచారం. అలాగే పార్టీ విలీనం తర్వాత రాష్ట్రంలో తనకు ప్రధాన హోదా ఇవ్వాలని.. అలాగే చిరంజీవిని రాష్ట్ర రాజకీయాల నుంచి దూరంగా ఉంచాలని జగన్ కోరినట్లు తెలుస్తోంది. 2014లోపు తెలుగుదేశం పార్టీని పూర్తిగా బలహీనపర్చాలనే ఉమ్మడి అంగీకారానికి అటు కాంగ్రెస్, ఇటు వై.ఎస్.ఆర్.కాంగ్రెస్ లు వ్యూహరచన చేశాయి. 2014లో రాహుల్ గాంధీని ప్రధానిని చేసేందుకు కృషి చేయాలని నిర్దేశించుకున్నాయి.

    జగన్ తో కుదిరిన ఒప్పందం మేరకే... చిరంజీవికి కేంద్ర మంత్రిపదవి వరించనుంది. అలాగే సీబీఐ కేసు వేగం కూడా నెమ్మదించింది. అంతేకాక జగన్ ఢిల్లీ నుంచి వచ్చిన తర్వాత సోనియాపై విమర్శలు మానేసి.. తెలుగుదేశం పార్టీనే టార్గెట్ గా చేసుకున్నారు. అడపాదడపా టీడీపీ కూడా ఈ విషయాన్ని ప్రస్తావిస్తోంది. ఢిల్లీలో జగన్ కాంగ్రెస్ పార్టీతో ఒప్పందం కుదుర్చుకున్నారని.. అందుకే సోనియాపై ఇప్పుడు నోరెత్తడం లేదని విమర్శిస్తోంది..

     మరి ఈ ఒప్పందం ఎంతమేరకు వాస్తవమో తెలియాలంటే మరో రెండేళ్లు ఆగాల్సిందే..! ప్రేమే లక్ష్యం-సేవే మార్గం అంటూ పుట్టుకొచ్చిన ప్రజారాజ్యం పార్టీ కనీసం మూడేళ్లు కూడా గడవకముందే చేతులెత్తేసి.. షేక్ హ్యాండిచ్చింది. ఇప్పుడు వై.ఎస్.ఆర్.కాంగ్రెస్ పార్టీ కూడా ఇదే మార్గంలో పయనించేటట్లు కనిపిస్తోంది. ఇదే జరిగితే.. రాష్ట్రంలో మళ్లీ కాంగ్రెస్, టీడీపీల మధ్యే ప్రధాన పోరు ఉండే అవకాశం ఉంది...

Note: Times of Indiaలో వచ్చిన కథనాన్ని చూడాలనుకుంటే.. ఈ క్రింది లింక్ ని క్లిక్ చేయవచ్చు.
http://timesofindia.indiatimes.com/city/hyderabad/Jagans-olive-branch-to-Cong/articleshow/11323109.cms

సీఎం కిరణ్ కుమార్తెను చూశారా..?

       ముఖ్యమంత్రి కిరణ్ కుమార్ రెడ్డి కుటుంబానికి సంబంధించిన వివరాలు పెద్దగా తెలియవు. అతని ఫ్యామిలీ బ్యాక్ గ్రౌండ్ అందరికీ తెలిసినా.. కుటుంబసభ్యులు మాత్రం పెద్దగా వార్తల్లో కనిపించరు.. ఆయన సతీమణిని కూడా చాలా మంది చూసి ఉండరు.. కానీ గురువారం హైదరాబాద్ లో జరిగిన ఓ కార్యక్రమంలో కిరణ్ సతీమణితో పాటు కుమార్తె కూడా తళుక్కుమంది.. వాళ్లు సీఎం భార్య, కుమార్తె అనే విషయం అక్కడ చాలా మందికి తెలియదు. ఎందుకంటే.. వాళ్లు చాలా కూల్ గా వచ్చి విజిటర్స్ గ్యాలరీలో కూర్చుని ఫ్యాషన్ షోను తిలకించారు..

ఇదేనా జేపీ సత్తా..?

     రాజ్యాంగం ప్రసాదించిన ఓటు హక్కును ఓటర్లందరూ తప్పనిసరిగా వినియోగించుకుని సత్తా చాటాలనేది లోక్ సత్తా ప్రాథమిక సిద్ధాంతం. ఇందుకోసం లోక్ సత్తా మొదటి నుంచి విస్తృత ప్రచారం చేసింది. ఓటు హక్కు వినియోగంపై లోక్ సత్తా అధినేత డాక్టర్ జయప్రకాశ్ నారాయణ్ వేలాది ఉపన్యాసాలు ఇచ్చి ఉంటారు.. 

     కానీ అసెంబ్లీ అవిశ్వాస తీర్మానం సందర్భంగా జేపీ ఓటుహక్కును వినియోగించుకోకపోవడం పలువురిని ఆశ్చర్యపరిచింది. అవిశ్వాస తీర్మానానికి అనుకూలంగా ఓటేస్తానంటూ ముందునుంచీ చెప్తూ వచ్చిన జేపీ.. తీరా ఓటింగ్ సమయానికి వచ్చేసరికి తటస్థంగా ఉండిపోయారు. ఇందుకు కారణాలేమిటో ఆయన కూడా స్పష్టంగా వెల్లడించలేదు.. తనది నిర్ణయాత్మక ఓటు కాకపోవడంతో తటస్థంగా ఉండిపోయానంటూ జేపీ చెప్పిన వివరణ సహేతుకంగా అనిపించలేదు. 

      అవిశ్వాస తీర్మానం అసెంబ్లీ ముందుకొచ్చేంతవరకూ మద్దతిస్తానని చెప్పిన జేపీ.. ఒక్కసారిగా ప్లేటు ఫిరాయించడంపై తెరవెనుక ఏమైనా లాలూచీ పడ్డారా అనే సందేహం కూడా వినిపిస్తోంది. ఏదేమైనా పదిమందికీ ఉపన్యాసాలిచ్చే వ్యక్తి దాన్ని తనే ఆచరణలో పెట్టకపోవడంపై సర్వత్రా విస్మయం వ్యక్తమవుతోందు. ముఖ్యంగా యువతలో తనకంటూ ఒక ప్రత్యేక ఇమేజ్ సంపాదించుకున్న జేపీ ఇలా వ్యవహరించడం ఆయన చిత్తశుద్ధికి తీరని మచ్చే..!

సెక్స్‌ స్కూల్

డ్రైవింగ్‌ స్కూల్‌... డ్యాన్స్‌ స్కూల్‌... నర్సింగ్‌ స్కూల్... రెసిడెన్షియల్ స్కూల్... సెక్స్‌ స్కూల్..!! ఇదేంటీ.. లాస్ట్‌ చెప్పిన స్కూల్‌ పేరు కొత్తగా ఉందే అనుకుంటున్నారా..? లేకుంటే మేం తప్పు చదివామేమోనని ఫీలవుతున్నారా..? అలాంటిదేం లేదండీ.. మేం చదివింది కరెక్టే..!! అది - సెక్స్‌ స్కూలే..!! అవును.. ప్రపంచంలోనే తొలి సెక్స్‌ స్కూల్ ఆస్ట్రియాలో ప్రారంభమైంది..

ది ఆస్ట్రియన్ ఇంటర్నేషనల్ సెక్స్‌ స్కూల్..! పేరు వినగానే ఇక్కడ ఏం నేర్పిస్తారో మీకు ఈపాటికే అర్థమైపోయి ఉంటుంది.. అవును మనం ఊహించినట్లే ఇక్కడ సెక్స్‌లో మెళకువలు నేర్పిస్తారు.. సాధారణంగా సెక్స్‌ అనగానే నాలుగు గోడల మధ్య జరిగే రహస్య కార్యక్రమంగా భావిస్తారు.. కానీ ఈ స్కూల్‌ హెడ్‌మిస్సెస్ - వైల్వా మారియా మాత్రం అలా భావించలేదు.. సెక్స్‌ అనేది అంతులేని ఆనందాన్ని కలిగించే మధురానిభూతిగా మారియా వర్ణిస్తున్నారు. అందులో తెలియని ఎన్నో రహస్యాలు ఉన్నాయని.. వాటిలో మెళకువలు నేర్పించేందుకే సెక్స్‌ స్కూల్‌ను స్టార్ట్ చేసినట్లు ఆమె చెబుతున్నారు..

ఇది కో ఎడ్యుకేషన్ స్కూల్‌.. అంటే అమ్మాయిలు-అబ్బాయిలు కలిసి చదువుకునే పాఠశాల..! ఇందులో ప్రవేశం పొందాలంటే ఒక్కో టర్మ్‌కు 14వందల పౌండ్లు.. అంటే మన కరెన్సీలో లక్షా 13వేల రూపాయలు చెల్లించాలి.. 16 ఏళ్ల పైబడిన యువతీయువకులెవరైనా ఈ సెక్స్‌ స్కూల్‌లో చేరేందుకు అర్హులు!

 

కోర్సు సమయంలో అమ్మాయిలు-అబ్బాయిలు కలిసే ఉండాలి.. ఒకే గదిలో తమకు అసైన్ చేసిన హోంవర్క్‌ను పూర్తి చేయాలి.. థియరీ కంటే ఇక్కడ ప్రాక్టికల్స్‌కే అధిక ప్రాధాన్యమిస్తారు. శృంగార భంగిమలు, శృంగారం సమయంలో తీసుకోవాల్సిన జాగ్రత్తలు, మానవ శరీర నిర్మాణం.. ఇలా పలు అంశాలను శిక్షణలో భాగంగా నేర్పిస్తారు.. మంచి లవర్లుగా తీర్చిదిద్దుతారు.. కోర్సును దిగ్విజయంగా పూర్తి చేసిన వారికి సర్టిఫికెట్ కూడా ఇస్తారు.

ప్రపంచంలో ఇదే మొట్టమొదటి సెక్స్‌ స్కూల్‌.! ఇప్పటికే ఇదే ఆస్ట్రియాలో సంచలనం సృష్టిస్తోంది. ఈ స్కూల్‌ యాడ్స్‌పై నిరసనలు వెల్లువెత్తుతున్నాయి. ఓ టీవీ చానల్‌ ఇప్పటికే ఈ స్కూల్‌ ప్రకటనలను నిషేదించింది. అయినే స్కూల్‌ యాజమాన్యం మాత్రం ఇవేవీ లెక్క చేయట్లేదు.. తమ స్కూల్‌కు ప్రపంచవ్యాప్తంగా మంచి ఆదరణ లభిస్తుందని దీమాగా చెబుతోంది.

భారతీయులంటే వీళ్లే...!!

           సాధారణంగా భారతదేశంలో ప్రజలు బద్దకస్తులు.. ప్రపంచ పరిణామాలను చాలా నెమ్మదిగా అంగీకరిస్తారు. మార్పును కోరుకోవడానికి వెంటనే సిద్ధపడరు.. ఎవరో ఒకరు ఒక మార్పును అంగీకరిస్తే.. వారిని చూసి మరొకరు అంగీకరిస్తారు. అంతేకానీ.. తనకు తానుగా కొత్తను స్వీకరించేందుకు ముందుకు రారు..

     భారతీయులపైన చాలా విమర్శలున్నాయి.. ప్రభుత్వ ఆసుపత్రులకు వెళ్లేందుకు భారతీయులెవరూ సిద్ధపడరు.. హైక్లాస్ సూపర్ స్పెషాలిటీ ఆసుపత్రులు కావాలి.. అక్కడే చికిత్స చేయించుకోవాలనుకుంటారు.. ఎందుకంటే మన ప్రభుత్వాసుపత్రులపైన మనకు అంత నమ్మకం మరి..!!

     అలాగే.. ప్రభుత్వ స్కూళ్లలో పిల్లలను చదివించేందుకు కూడా చాలా మంది ఒప్పుకోరు. ఎందుకంటే.. అక్కడ సరైన వసతులు ఉండవని.. టీచర్లు సరిగా స్కూలుకు రారని.. ఇలా ఎన్నో కారణాలు!!

     ఇక.. ప్రభుత్వ ఆధ్వర్యంలో నడిచే బస్సులను కూడా చాలా మంది ప్రయాణికులు తిట్టుకుంటూనే ఎక్కుతారు.. ఎక్కిన తర్వాత కూడా అద్దాలు లేవనో.. ఇంజిన్ సౌండ్ వస్తోందనో.. సీట్లు సక్రమంగా లేవనో .. నానా బూతులు తిడుతుంటారు.. లేటెస్ట ఇసూజూ ఇంజిన్ ఉండే హైక్లాసు బస్సులనే ఇష్టపడతారు..

     కానీ ఒక్క విషయంలో మాత్రం ప్రభుత్వం అంటే ప్రజలకు విపరీతమైన ప్రేమ..! అదేంటో తెలుసా.. ప్రభుత్వ ఉద్యోగం..!! అన్ని ప్రభుత్వ సర్వీసులను నానా బూతులు తిట్టే ప్రజలు.. గవర్నమెంట్ జాబ్స్ కోసం మాత్రం విపరీతంగా ట్రై చేస్తారు.. ఒక్క ఉద్యోగం ఇవ్వండటూ కాళ్లా వేళ్లా పడుతుంటారు.. సాధారణంగా "ప్రభుత్వ" అనే పేరు వినగానే చీత్కరించుకునేవాళ్లు.. ఉద్యోగం విషయానికొచ్చేటప్పటికి నానా సంబరపడిపోతుంటారు..
 
     ఇంతకూ ప్రభుత్వ ఉద్యోగం కోసం వీళ్లెందుకు అంత ఉత్సాహం చూపిస్తారో... మీకు అర్థమయిందిగా..!! దటీజ్ ఇండియా..!! దటీజ్ ఇండియన్స్..!!! ప్రౌడ్ టు బి యాన్ ఇండియన్..!!!

మళ్లీ ముందుకు..!

హాయ్ ఫ్రెండ్స్..
ఇటీవలికాలంలో కొన్ని కారణాల వల్ల బ్లాగుకు దూరంగా ఉన్నాను.. కానీ ఇకపై క్రమం తప్పకుండా పోస్టులు రాసేందుకు ప్రయత్నిస్తాను.. త్వరలోనే ఓ మంచి పోస్టుతో మీ ముందుంటాను..
థ్యాంక్యూ...

టీమిండియాకు పూనమ్ పాండే కానుక

     పూనమ్ పాండే.. ఈ పేరు చాలా మందికి గుర్తుండే ఉంటుంది.. టీమిండియా వరల్డ్ కప్ గెలిస్తే.. ప్లేయర్ల ముందు నగ్నంగా  నిల్చుంటానంటూ ప్రామిస్ చేసిన మోడల్ ఈమే.! ఇప్పుడు మళ్లీ ఈ అందగత్తె వార్తల్లోకెక్కింది.. టీమిండియాకు కానుక అంటూ ఓ హాట్ హాట్ ఫోటోను రిలీజ్ చేసింది. ఇంగ్లండ్ గడ్డపై తొలి వన్డే రద్దయినప్పటికీ.. ఆ మ్యాచ్ లో టీమిండియా భేషుగ్గా ఆడిందని.. అందుకే వారికి ఈ హాట్ ఫోటోను కానుకగా ఇస్తున్నానని ప్రకటించింది. అంతేకాదండోయ్.. ముందు ముందు టీమిండియా మంచిగా ఆడితే మరిన్ని పసందైన చిత్రాలు రిలీజ్ చేస్తానంటోందీ అమ్మడు..! ఇదిగో.. ఈ ఫోటోయే టీమిండియాకు పూనమ్ పాండే ఇచ్చిన కానుక..!!

టీమిండియాకు కూడా ఈ టైమ్ లో ఇలాంటి కానుక చాలా అవసరం లెండి.. ఎందుకంటే.. టెస్టు మ్యాచ్ ల్లో వైట్ వాష్, ఏకైక ట్వంటీ 20లోనూ ఓటమి, గెలుస్తామనుకున్న మ్యాచ్ రద్దయిపోవడం.. లాంటి అననుకూల పరిణామాల మధ్య మన క్రికెట్ ప్లేయర్లకు ఇలాంటి కానుక కాస్త ఉత్సాహాన్నిస్తుందేమో చూడాలి మరి!! వాళ్ల సంగతేమో కానీ.. పూనమ్ పాండే మరిన్ని కానుకలకోసం అందాలను ఆస్వాదించే ఎంతోమంది ఆతృతగా ఎదురుచూస్తున్నారు. కనీసం అలాంటివాళ్లకోసమైనా మన ప్లేయర్లు మంచిగా ఆడితే బాగుండు..!!

నేడో రేపో తెలంగాణ..!!

     తెలంగాణపై ప్రకటన చేసేందుకు కాంగ్రెస్ పార్టీ సిద్ధమైంది. రాష్ట్రంలో నెలకొన్న సంక్షోభాన్ని వీలయినంత త్వరగా చక్కదిద్దాలని ఆ పార్టీ అధిష్టానం భావిస్తోంది. అందులోభాగంగానే వారం, పది రోజుల్లో తెలంగాణ రాష్ట్ర ఏర్పాటుకు సంబంధించి కీలక ప్రకటన చేసేందుకు ఆ పార్టీ సమాయత్తమవుతున్నట్లు తెలుస్తోంది.. ఇప్పటికే మూడు ప్రత్యామ్నాయాలను కూడా హైకమాండ్ రెడీ చేసినట్లు సమాచారం..

ఆప్షన్ 1: నిర్దిష్ట కాలపరిమితితో తెలంగాణను ప్రకటించడం

ఆప్షన్ 2: నిర్దిష్ట కాలపరిమితితో తెలంగాణ ఏర్పాటు ప్రకటన చేస్తూ.. హైదరాబాద్ పై విస్తృతంగా చర్చించడం

ఆప్షన్ 3: రెండో ఎస్సార్సీ ఏర్పాటు చేయడం

ప్రస్తుతం ఈ మూడు ప్రత్యామ్నాయాలను కాంగ్రెస్ పార్టీ హైకమాండ్ తయారుచేసినట్లు విశ్వసనీయ సమాచారం. వీటిపై ఇటు తెలంగాణవాదులు, అటు సమైక్యవాదుల అభిప్రాయాలను సేకరించి.. ఏదో ఒకదానిపై ఏకాభిప్రాయం సాధించి దాన్ని ప్రకటించే అవకాశం కనిపిస్తోంది.. 

ఈ ఆప్షన్స్ తో సమస్య సద్దుమణిగేనా..?

     ఈ మూడు ఆప్షన్స్ ను ఓ సారి పరిశీలిస్తే కొంతమేర సమస్యకు ఫుల్ స్టాప్ పెట్టవచ్చని అర్థమవుతుంది..

ఆప్షన్ 1: నిర్దిష్ట కాలపరిమితితో తెలంగాణను ప్రకటించడం..:

     ఈ ఆప్షన్ అమలు చేసేందుకు సమైక్యవాదుల నుంచి వ్యతిరేకత రావడం సహజం.. ప్రస్తుతం యధాతథంగా ప్రత్యేక తెలంగాణ రాష్ట్రాన్ని ఇచ్చేందుకు సమైక్యవాదులు అంగీకరించకపోవచ్చు.. కొంతకాలం ఇలాగే కొనసాగించినా.. ఆ తర్వాత తెలంగాణ విడిపోవడానికి వారి నుంచి సానుకూలత వస్తుందని ఆశించలేం..

ఆప్షన్ 2:  నిర్దిష్ట కాలపరిమితితో తెలంగాణ ఏర్పాటు ప్రకటన చేస్తూ.. హైదరాబాద్ పై విస్తృతంగా చర్చించడం

     ఇది కొంతమేర ఏకాభిప్రాయ సాధనకు వీలయిన ఆప్షన్ గా కనిపిస్తోంది.. నిర్దిష్ట కాలపరిమితితో తెలంగాణ ఏర్పాటును ప్రకటిస్తే.. తెలంగాణ వాదుల నుంచి పెద్దగా అభ్యంతరాలు ఉండకపోవచ్చు.. అయితే.. హైదరాబాద్ లేని తెలంగాణను అంగీకరించేందుకు తెలంగాణవాదులు ఎట్టిపరిస్థితుల్లోనూ అంగీకరించరు. అదే సమయంలో హైదరాబాద్ పైనే ప్రస్తుతం సమైక్యవాదుల నుంచి పేచీ ఎదురవుతోందన్న విషయం తెలిసిందే..! అందుకే.. తెలంగాణ ఏర్పాటు ప్రక్రియను ప్రకటిస్తూ.. హైదరాబాద్ పై విస్తృతంగా చర్చించేందుకు సిద్ధమవడం ఇరుప్రాంతాలవారికీ కొంత సానుకూల పరిణామంగానే భావించవచ్చు.. విస్తృత చర్చల తర్వాత హైదరాబాద్ పై తీసుకునే ఎలాంటి నిర్ణయానికైనా ఇరుప్రాంతవాసులూ కట్టుబడి ఉంటే ఆ తర్వాత సమస్య ఉండకపోవచ్చు..

ఆప్షన్ 3: రెండో ఎస్సార్సీ ఏర్పాటు చేయడం..

     రెండో ఎస్సార్సీ ఏర్పాటు చేయడం అంటే.. ప్రత్యేక రాష్ట్ర ఏర్పాటును చెత్తకుప్పలో వేయడమే.. ఈ ఆప్షన్ కు సమైక్యవాదులు అంగీకరించినా.. తెలంగాణవాదులు ఎట్టి పరిస్థితుల్లోనూ ఒప్పుకోరు. కాబట్టి ఆప్షన్ కు అవకాశమే లేదని అర్థమవుతుంది..

కనీసం ఇప్పటికైనా కాంగ్రెస్ పార్టీ స్పందిస్తున్నందుకు సంతోషంగా ఉంది. నిర్ణయమేదైనా.. త్వరగా తీసుకుంటే ఇరుప్రాంతాలకు ఎంతో మేలు జరుగుతుంది. ముఖ్యంగా విద్యార్థుల భవిష్యత్తు బాగుంటుంది.. ఈ ఆప్షన్స్ పైనైనా ఇరుప్రాంత నాయకులూ ఏకాభిప్రాయానికి రావాలని ఆశిద్దాం...

దొంగల ముఠా కేంద్రం - DMK

ఎ. రాజా..
కనిమొళి
దయానిధి మారన్..

దొంగల ముఠా కేంద్రం (DMK)లో ప్రధాన సభ్యులు.. UPA ప్రభుత్వంలో ఎన్నో భాగస్వామ్య పక్షాలున్నాయి. ఆయా పార్టీలకు చెందిన మంత్రులెంతోమంది కేబినెట్ లో ఉన్నారు. అయితే.. ఎవరిపైనా లేనన్ని.. రానన్ని ఆరోపణలు కేవలం DMK సభ్యులపైన మాత్రమే రావడం ఆలోచించాల్సిన విషయం.. దేశాన్ని దోచుకోవాలనే పక్కా ప్లాన్ తోనే DMK... UPA ప్రభుత్వంలో చేరినట్లు కనిపిస్తోంది. ప్రభుత్వంలో చేరినది మొదలు వీరంతా.. సొంత వ్యవహారలను.. సొంత రాష్ట్ర ప్రయోజనాలను చక్కదిద్దుకునేందుకే ప్రాధాన్యం ఇచ్చినట్లు కనిపిస్తోంది. కనీసం తమిళనాడుకు ఎంతో కొంత మేలు జరిగినా బాగుండేది.. కానీ వీళ్లంతా.. సొంత ప్రయోజనాలకే పెద్దపీట వేశారు.

2G స్పెక్ట్రమ్ కుంభకోణంలో ఇప్పటికే దొంగల ముఠా కేంద్రం (DMK) అధ్యక్షుడు కరుణానిధి పార్టీకి చెందిన రాజా ఊచలు లెక్కబెడుతున్నారు. ఇక.. కూతురు కనిమొళి కూడా తీహార్ జైల్లో అల్లికలు నేర్చుకుంటూ పుస్తకాలు చదువుకుంటోంది.. ఇప్పుడు మనవడు దయానిధి మారన్ వంతు వచ్చింది. నేడో రేపో దయానిధి మారన్ కూడా తీహార్ జైలుకు వెళ్లక తప్పని పరిస్థితి ఏర్పడింది. పాపం ఈ వయసులో ముసలాయను ఎన్ని కష్టాలు వచ్చాయో..!

కుటుంబ రాజకీయాలు ఎంత ప్రమాదకరమో DMKను చూసి అర్థం చేసుకోవచ్చు.. కరుణానిధి నియంతృత్వ ధోరణి వల్లే.. కుటుంబసభ్యులకు తప్ప మరెవరికీ ఆ పార్టీలో అగ్రస్థానం దక్కలేదు. సొంత మనుషులు కావడంతో.. కరుణానిధి కూడా చూసీచూడనట్లు వ్యవహరించారు. చివరకు ఆ అలసత్వమే ఆయన కొంపముంచింది. రాజాను మందలిస్తే.. కనిమొళి ఏమనుకుంటుందోనని భయం.. ఎందుకంటే.. రాజాకు, కనిమొళికి మధ్య అంతటి సన్నిహిత సంబంధాలున్నాయి మరి..!

ఇక దయానిధి మారన్ మనవడైపోయాడు.. తమిళనాడులో దయానిధి మారన్ కు చెందిన సన్ నెట్ వర్క్ ప్రభావం అంతాఇంతా కాదు. దీంతో.. ఓ సారి తన్ని తరిమేసినా.. మళ్లీ దరిచేర్చుకున్నాడు. ఇక ఓ కుమారుడి ( స్టాలిన్)కు తమిళనాడు ఉపముఖ్యమంత్రి పదవి కట్టబెట్టాడు. దీంతో.. ఇంకో కుమారుడు (అళగిరి) ఏమనుకుంటాడోనని తనను ఏకంగా కేంద్ర మంత్రి పదవి ఇప్పించాడు.. ఇదీ దొంగలముఠా కేంద్రం కుటుంబ పాలన..!

మొత్తానికి ఇంటిదొంగలు తిన్న ఇంటి వాసాలు లెక్కపెడుతున్నా... మీడియా కోడై కూసేంతవరకూ ప్రధాని మన్మోహన్ సింగ్ పట్టించుకోకపోవడం బాధాకరం. అయనా.. ఆయన చేతిలో ఏముందిలే! వీళ్లను బయటకు పంపిస్తే.. తన సీటుకే ఎసరు వస్తుందేమోనని ఆయన భయం..!

ఇంటిపనులు చక్కదిద్దుకోలేక కరుణానిధి చచ్చిపోతుంటే... మరోవైపు తమిళనాడు ముఖ్యమంత్రి జయలలిత, కరుణానిధి పాపాల చిట్టా బయటకు తీస్తోంది. కరుణానిధి హయాంలో జరిగిన అవినీతి, అక్రమాలను వెలికితీస్తోంది. అవి కూడా బయటకు వస్తే.. పాపం ఈ దొంగలముఠా అంతా కలిసి తీహార్ జైల్లో ఒకరు జేబులు మరొకరు కొట్టుకుని బతకాలేమో..?