చిలక్కొట్టుడు..!!!

ఒక్కరు ముద్దు...!
ఇద్దరు అసలే వద్దు..!!
ముగ్గురైతే కొంపలంటుకున్నట్లే..!!!
ఇదేదో కుటుంబ నియంత్రణ యాడ్ కాదు..
పార్ట్'నర్'కు మస్కా కొట్టి లవ్ పేరుతో జల్సా చేస్తున్న లవ్ ఫోర్'ట్వంటీల కోసమే..!!

    
     చిలక్కొట్టుడు...! చాలా మంది కుర్రకారులకు ఇప్పుడిదో ఫ్యాషన్..!! కేవలం కుర్రకారుకే పరిమితం కాదండోయ్..! అమ్మాయిలు, ఆంటీలు, అంకుళ్లూ.. ఇలా తేడాలేమీ లేకుండా ఇప్పుడు అందరూ ఈ చిలక్కొట్టుడులో మునిగి తేలుతున్నారు. వీలయినంత ఎక్కువమందితో ఎంజాయ్ ఎంజాయ్ చేస్తున్నారు. పార్ట్'నర్స్'ను మోసం చేయడాన్ని చాలామంది థ్రిల్'గా ఫీలవుతున్నారు.

     ఇలా పార్ట్'నర్లను మస్కా కొట్టించి.. చిలక్కొట్టుడుతో చీటింగ్ చేస్తే.. నిజంగా ఎంజాయ్'మెంట్ వస్తుందా..? అలా ఎవరైనా అనుకుంటే భ్రమే అంటున్నారు మానసిక శాస్త్రవేత్తలు.. ప్రేమ పేరుతో చీటింగ్ చేసే వారికి మానవ సంబంధాలు చెడిపోవడంతో పాటు ఆరోగ్య సమస్యలు కూడా వస్తాయంటున్నారు.

     ప్రతి నలుగురు మగాళ్లలో ఒకరు.. ప్రతి ఐదుగురు మహిళలో ఒకరు ఇలాంటి చీటింగ్'లకు పాల్పడుతున్నట్లు పరిశోధనలో తేలింది. ఇటలీలోని ట్యురిన్ యూనివర్సిటీ ఇలా చీటింగ్ చేస్తున్నవారిపై జరిపిన పరిశోధనలో ఎన్నో వాస్తవాలు వెలుగులోకి వచ్చాయి. జీవిత భాగస్వాములను మోసం చేయడం ద్వారా వారితో శారీరక సంబంధాలు పూర్తిగా దెబ్బతింటాయని.. వారితో ఎక్కువగా అబద్దాలు చెప్పాల్సి వస్తుందని తేలింది. ఇది విపరీతమైన మానసిక ఒత్తిడికి.. తద్వారా మానసిక రుగ్మతలకు దారితీస్తాయని పరిశోధన వివరించింది. ఒకసారి సరదాగా మొదలైన ఈ ఆట.. చివరకు ప్రాణాంతకమయ్యే ప్రమాదం కూడా ఉందని హెచ్చరించింది. థ్రిల్లింగ్'గా ప్రారంభమయ్యే ఈ ఆట.. తర్వాత యాంగ్జయిటీగానూ.. చివరకు జీవితాన్ని హరించివేసే దశకు చేరుతుందని తేల్చింది.

     జీవిత భాగస్వామితో నిజాయితీగా జరిపే శంగారం అంతులేని ఆనందాన్నిస్తుందని.. మానసికంగా కూడా ఒత్తిడిని దూరం చేస్తుందని పరిశోధనలో రుజువైంది. మరి ఫ్రెండ్స్.. చిలక్కొట్టుడు కావాలో..? లేక పార్ట్'నర్ కావాలో తేల్చుకోవాల్సింది మీరే..!!